رفعت كفي ماقدرت ارفع الصوتــ !!
لوكان في الخاطر كلام كتمته ..
لحظة وداع وكنها سكرة الموتــ !!
ضاع الطريق اللي من اول رسمته ..
ضاع الطريق وصرت في الدرب مبهوتــ !!
مدري وش اللي فاتني مااغتنمته ..
العمر مر وراح مع فايت الفوتــ !!
صحيح ضعت وضاع حلم،.ن حلمته ..
إلا انت اللي قربك لروحي القوتــ !!
لو غبت يبقى وسمك اللي وسمته ..
يبقى كما نقش على الصخر منحوتــ !!
حفظته بشكله ولونه وسمته ..
مهما الفراق اوجاع والبعد
ممقوتــ !!
اصبح مصير من غلاك احترمته ..
دمع النصر لو طاح من عين جالوتــ !!
عين العقل دمع.،ن تكنه حشمته ..
ذخرت لك يافرحة العمر تابوتــ !!
فيه الغرام اللي بديته ختمته ..
يبقى الغصن لو مابقى فالغصن توتــ !!
تحرك انسام الذعاذيع صمته ..
سكت وانا من موادعك مكبوتــ !!
شي،.ن جهلته وشي،.ن فهمته ..
حبل الرجاء من جور الأيام مفلوتــ !!
ياليت قلبي عن غرامك عصمته ..
ياما بنيت بيوت وبيوت وبيوتــ !!
اليوم كم بيت بنيته هدمته ...!!
