يومياات أووب صااحيه....<<<تفضلوو حيااااكم لاتستحووون...

وه بص ماأجمل يومات العطله الواحد يفلها وينبسط ويتعشى براحه ويسولف وينام متى مايبي مايحس ان ورءاه شي>>اكشخ ياعربي اخق
ماوراه قومه صبح ويتروش ويستشور<<أآآه يالاستشوار>>قصم معاناه يوميه خصوصا اللي خربان استشوارهم وعندهم استشوار مادري وش يحس به ماكأن الوحده تستشور لا وبعد اذا خلصتي تحسين كأنتس مطفيه ناس محترقين واطراف شعرتس متأثره بهاللي طفيتيهم.>>منحرق بمعنى اصح>>
.وعاد اذا انتهت هالمعاناه ورحتي مايمديك تلبسين تلقين باصكم عند الباب وانواااع الاستنزال والعصبيات والمحاضرات خصوصا اذا طول وهو واقف وانتي ماطلعتي له انا عن نفسي اذا طلعت ألقاه حاط يده على خدوده من الطفش عاد هو ماشالله الوجه كله خدود ماتعرفين وش ملامحه من كبرهن المفروض يحط لوحه ويرسم ملامحه عشان تعرفين وشهو وجهه بالضبط غير الخدود.. واذا ركبت مادري اعدل كشتي ولا أربط جزماتي ولا اعدل مريولي ولا ارتب جدولي>>ماتحسينن طالبتو علم على هالحتسي<¤_¤>
همن نوصل المطرسه ومايمدين أبدأ اسولف الا المديره جعله الهلاك مقلعه تمشي 400 لفرشتنا تقولين مافيه احد قاعد غيرنا ويصفوننا متزاحمين كأننا زريبه غنم صافين
طابور>>ياحبيلنا كشخه..وتبدأ الاذاعه على هالصبح واتحداتس تلقين احد يسمع اللي تسولف وش سوت أمس بالسوق واللي تحش باللي قدامه ومتهاوشه معهم واللي تسولف واللي تقزقز بالخلق واللي بعالم ثاني مايرده الا حوش المدرسه وهالحاله نادر ماتحدث انك تلقين شخصه تذاكر>>حشا مصريه ..واللي ماسكه المرايه على هالصبح..اشكالهم ماكأنهم بمدرسه حتى المصريات والسودانيات يسولفون بالعربي مستحيل احد يسمع لهم ..
الموهم نرجع وتخلص مواويلهم على هالصبح ونرقى للفصل ومامدانا نقول وصلنا ونبي نطلع عند الباب نغير جو الا المديره براسه ترقى عشان تدخلنا ويالله انواااع الأمراض اذا بدت الحصص خصوصا اذا كانت الحصه الاولى جغرافيا ولا ادب ااآآه انواع ضيقه الخلق احيانا تفجر عندي موهبه الرسم وماهنا شي ماارسمه ولا اعد الطاولات والبنات والكراسي<<ياحبيلي شاطره بالرياضياتو...
ولا عاآااد كل شي بالحياه يهون الا العنقليزي لا والمشكله اذا صرتي ماتفهمين شي ماغير تناظرين اللي حولتس واذا ابتسموا ابتسمي واذا فقعوا ضحك قطيتي معهم على الفاااضي<<ايه والله مشكله لابالعربي فالحين ولابالعنقليزي ناجحين>>
ووو تجي الحصتين اللي بعد ونفس الحاله <<أحباط، اكتئاب، غلقه، ملل، انوااع العاهات والطفش>> وبعد هالامراض ياحبيله هالوقت<<فسحه>> ماأروع هاللتسلمه<<تسلمه=كلمه>> و ماأزين هذا الوقت ياله من أكوس وقت بالحياه >>وش عنده المتنبي قلبت عربي>< تشوفين الخلق وتهجولين وتقزقزين وانوااع الهبال كل شي يصير توقعو غير المتوقع..<<واذا صفرت مايصدقون خبر يجون مقلعيين بكل قواهم العقليه ويدخلوون البنات ونصهم ماسكينهم مخالفات<<عاد البنتات ياخذوون راحتهم بالفسحه انواع المكياج والسلاسل والاساور ووو...الخ>>بنات ثانوي ماينشره عليهم
عاد المديره هالايام طايحه بحركه التفتيش اذا مسكت وحده حاطه مكياج صفت الشله معهم وتفتش جيوبهم<<قصم تصلح بالحرس الوطني <<ماادري وش دخل الحرس الوطني بس جو على بالي وحطيتهم..
ونرجع لمحور حديثنا
<< متعوب عليه محور حديثنا
ويالله نرقى لفصولنا وبعدنا ترقى مديرتنا المصون تشيك على البنات دخلو ولا لا واذا صادفت احد كاشخ نزلته معه عشان تسوي شخصيه وتهزئ الخلق شوي<<انتم لو تشوفونه قصم ان تحسبوونه تسوي دعايه لحليب نياق ماكأنه مديره ولا صووته قسم قسمات ان تدووخووون بس مشكله اذا دختو خصوصا انه ماترقم احد من كثر المحبين والمحبات><وه بص فديتن على هاللغه الفصحى<<~_^>
عاد ندخل الفصل وانواع السوااليف بشتى شؤون الحياه <<لبس،تلفزيون،مباريات،نت،
دروسن،اكلن،جلسات مغربيه<<عاد هاذي قاطه بس حبيت هالكلمه وحسيت احساس غريب انه تبي تقط ودخلته
همن تستمر الحياه وتدور الليالي والايام وتمضي السنين والاعمار وتقضي الشهور وتمشي الناس وتدور العجلات <<حسيته اعلان عن كفرات سياره><هع هع هع
وتسير الحصص حصه ورا حصه<<أحس هيا ورا هيا احسن>>خخخ مسويه تنكت
وتجي الحصه الاخيره ياله من يوم سعيد الواحد يفرح بكل ماعنده من قوه ويستنانس بكل ضلع من ضلوعه ويتشرح بكل سن من اسنانه حتى لايبقى على فرحه العمر الا عشر دقائق <<ياليل البعارين عاد ماافيه اطول من هالعشر الدقائق يقضي صبري وهي لم تنتهي ويروح صوتي وانا اغني عشان تخلص بس مافيه امل وتنشف اقلامي وانا اعبر عن فرحتي بهالطاوله اللي ماتلقين لك مكان فيبها تعبرين عن احزانك وافرااحك وسعادتك
لقد انها صفرت ومايصدقوون فتيات مدرستنا خبر تلقين الوحده من الوناااسه وقل الاستيعاب ماتطلع الا بالغصب وتلزمين وتحلفين عليه عشان تطلع همن نطلع وااآآه ليتنا ماطلعنا لان الشمس حمست خامسيننا اول ماتعدينا الباب وحر وحاله امنا صعبه حتى من حراره الشمس البنات ماعندهم شي يفرغون طاقاتهم الا بعلب المويه والمراييل متروشه والشعور حاله اهله صعبه من الفجر وهي تستشور وااخرته كذا أحبااط لا والمصيبه واكبر مصيبه لايصدقها عقل انسان اذا شفتي بنات العلمي يتروشون بالمويه<<صراحه انا عن نفسي احس بنات العلمي حتى مايصلحوون يسولفون الا بنعومه يصلحون يحسبون يجمعون، يحلوون مسائل رياضيات ،يذاكرون ،يكملون دفاتر ايه بس يستهبلون ويتروشون بالمويه هاذي قويه>>عذرا يابنات العلمي بس هاذي احسوساتي ومشعريراتي وبغيت اطلعهن لان امي تقول اللي مايقتلك مايضرك_ واذا كنتي بنت بالعلمي فاأكيد بنات الادبي احسن ابو شي.."
ووواوو يازينه من يوم اذا تهاوشو البنات تحسين فيه اكشن شويات عاد هوشات البنات اوله ياحماره ياكلبه انتي وصخه انتي قبيحه >>حشى بزران
انتي تافهه واذا مرره خربتها ع الأخر ياحقييره وبعدين تشتد الهوشات ع الآخر وكل وحده يدينها بشعر الثانيه ويفكونهم البنات ..بصراحه امنيتي بالحياه اشوف هوشه صح ضرب وتشويت وتصفيق واكوااع وروس طايره وكشه بالارض وجزم تحلق بالفضاء الواسع<<ماينشره علي شايفه ..mbc3
واذا رحتي بتسمعين سالفه الهوشه<<والله من اللقافه
كل شله يزودون بهارات بالهوشه شوي واخرته تزيد مليوون سولافه واخرته تصير كل السالفه خرابيط بخرابيط..
وووعاد اذا جاء الباص انواع الازدحام وخصوصا على المقاعد الخلفيه<<حشى قطار
وبااصنا خطير مافيه مثله بهالدنيا نجي من المدرسه والشمس حامستنا ومايشغل المكيف واذا مره المصري ابو خدود كاشخ فتح المكيف حار قصم يقهر ماعليه شرهه احد بالصيف يلبس ثوب ويلبس بلوزه صفرا اكمامه طويله!!
<<¤_¤>>احيانا يجين احساس ان ودي اتوطى ببطنه على هاللبس الناس ميته حر ويلبس هاللبس!!
همن نسير في شوارع الرياض عامه وحي السلام خاآآصه بدون ذكر اسماء الحارات عشان ماتعرفون بيتنا<<هع هع
ونسير ونسير الى متى وحنا تسذا نروح أول ناس الصباح ومانرجع الا اخر ناس<<هاذه كانت كلمه نابعه من اعماق البطين الايمن للقلب لاحدى الفتيات التي تقطن قدام بعد السائق بكم متر فأخذت تهاوش السائق وهو لم يحتسي عليها انما اكتفى بالصمت وسحب عليها حتى نزل بعض البنات ثم جاء بيتهم وانزلها وهي منهكه وبه صداع وماتحاتسي احد فقد سوت مثل سائق الباص ابو خدود واكتفت بالصمت وشالت حقيبتها ثم نزلت وهي تركض من الفرحه التى بها>>ومير نقلب القصه حزينه تهى تهى تهى..
ثم ننزل البنت تلو البنت والطالبات تلو الطالبه حتى ينزل اخر بنت اللي داخت من كثر ماتدور بالباص <<عاد تصدقوون ان الدوران بالباص له فائده عظيمه مايحس فيها الا اللي فاقدها عرفت اوصف بيتنا لاول مره بحياتي طبعا من المدرسه الى البيت فقط لاغير يعني لو وقفنا نشتري بيبسي ضيعت البيت فقط من البيت الى المدرسه<<ماتشبه اعلان ماكدونالدز اللي طازج من المزرعه ألى مطاعمنا<<حقوق الزرف محفوظه>>
ملحوظه..<<حشا كرت زواج موب سولافه..
*ترى الدنيا فانيه فلا تؤجل عمل الليله الى باتسر ..
*العمر يقضي والدراسه ماتقضي حتى لو خلصت يكفي ان اللي حولك يدرسون..
*الحياه حلوووه بس وين اللي يفهمها ومايدرس..
*الدراسه ظلام وانت مسكر النور اذا ودك لاتفتحه ابد..
*اذا كنت تريد ان تدرس فلا تدرس جرب العطله ونتفاهم
*انا الذي تركت الدراسه بلا كلل واسمعت فرحتي من به صمم<<مقتبس من المتنبي اللي يسلمه ماقصر معي وه بس فديته>>خقت الاخت
"لقد تعبت وانا اعبر بصراحه وبطلاقه عن ماالم أعلم به احد وابقيته في جعبتي حتى قالت جعبتي عطيتس وجه دوري لتس احد غيري تعبرين له صدز بنات الثانوي ماينعطون خشه ومير ألقط بقايا وجهي واحترم رغبته واخذ ماخليته عندها سنين واعوام بعد ماسفطت علي سفطه محترمه واادور احد اعطيه من الذي اختذه من جعبتي بس مالقيت احد يعبر غير جوالي عشان كذا حطو اعلان الجوال<<عبر>>يبونن اخلص بس شكله مافيه امل ولا منى وفاطمه ماعطتهم وجه ماعندهم الا رقيه<<سلامات وش تحس به هالفتاه>>الله يسلمك بس الوالده رجله توجعه شوي>>هع هع
اتوجه بالشكر الى كل من فتح خشيشته وقعد يقرأ خرابيطي وتعبيري ومشعريراتي<<ياليل هالمشاعر
واتوجه بالشكر الكثير اللي كبر بيتنا الى يداتي اللي ماقصرت وهي تكتب وتعبر الله يخليهن لي ولا يحرمن منهون يارب وألى عقلي الذي ترك اشغاله ومذاكرته ودروسه وقعد يشرح ويعبر عن معاناه صاحبته التي لاتقضي وه بص فديتن كلي على بعضي ولا يحرمن من ويخلين لي وويكثر من وووه بص ياملحي وهاذي جغفه من لي يؤيؤيؤ مليتن سعابيل بس يالله ياحبيلي انا وسعبولاتي عسل مصفى اوب عسل نحل لا عسل شخصه من اليوم وهي تمدح عمره مدري من اللي لاعب عليه ومادحه وهي ماصدقت استرسلت بالمدح..
وه بش فديت الثانويه وبناته<<اييه هيين كثري لي منها

*صاحبه الحتسي اللي مايقضي ..
*البنت التي أكوس وحده..
*الفتاه التي احسن ابو شي..

اووب صاااحيه...

روووووووووووووووووووووووووووووووووووووعه ياروعه
قصم انتس جد اوب صاحيه
وه بس فديتس على هالقصه الخوقاقيه
لاتحرمينا من كتاباتك وقصصك المصرقعه يابت

هههههههههههههههههههههههههههههههههههههههههههههههههههههههههههههههههههههههااي


اوب صاااحيه قسسسم انتس شششششششششئ ..



فدييييييييييييت خشيشتك والله ..

لبى هالخشه ولبى هالحتسي الي منهاا << لا عاد تمدحين تكفين ..



ننتظر جديدتس على احر من الجمر << يااااهوه

ههههههههههههههههههههههههه
ههههههههههههههههههههههههههههههه
ههههههههههههههههههههههههههههههههههه

اوووب صاااحيه احس انوو له طعم خاص معنا المطرسه بالنسبه لك هع هع


مشكوووووووووووووووووووره

ههههههههههههههههههههههههههههههههههههههه


ههههههههههههههههههههههههههههههه


ههههههههههههههههههههههه



أووب صاااحيه=أسم ع مسمى

وش حالحتتتتتتتتتسي والله يا إنك كااااااااااره المدرسه كررررررررره..


بالنسبه لي نفس حالاتك <<بنات ثنوي طقه وحده

بالذاات يووم

السبت يجيني جني هدوووووء مالي خلق أكلم أحد ولا أشووف خشة أحد...



روووووووعه الموووضوووع والله إنك رجججججججه,..


أضحكتي سني الله يضحك سنتس

ماتـــقصرين يالمنتبي

من جد اووب صاحيه<برا هوع خخخخخخخخخخخخ

خخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخخخخخخخخخخخخخخخخخخخخ


قسسسسسسسسسسسسم منــــتبــ صاااحيـــــه,,

سبحاان اللله وضـــــــح حبـــكـ للدرااسهـ ,

<< أوووووووومااا ..


يالله خلاص هااانـــ يالدوووووبيييه ,,

والله يـــوسع صـــدرك والله متــ عليــكـ ضحــكـ,,

شـــكرناتــ عاليـــوميـــاتــ ,,

: ))