رسائل عتاب
ياصاحبي لوخانك الوقت قلي_
ودي أعرف إن كان ذقت الخيانه_
ماهو إهتمام فيك لكن تسلي_
أبغى الشماته فيك قصدولعانه_
أبنبش جراحك وبنزفك كلي_
لين الكرامه فيني تظمي الإهانه_
ولاجيتني شاكي برحب وأهلي_
وأسقيك من برد الشعور إمتنانه_
وأذكرك باللي معك قد حصلي_
ويخونك أللي خنت فيني{عشانه}_
بمسح جبين الحب من ذل ذلي_
وأقول لك قدرك وضيع مكانه_
وإذا أستفز الهم دمعي بخلي_
بيني وبين الدمع خطوه جبانه_
بجمع طعون العام وأقول سلي_
سيف إنتقامك من صميم الأدانه_
بقسي عليك لين يرعبك ظلي_
وأعلمك وشلون تظما حنانه_
واسلب بقايا خافقك بس علي_
أخذ بثاري منك رد الأمانه_
_________________
فقالت أحبك قلت ذا شي
باين
وأكبر دليل اني بعينك ولا
شي
كل البشر عندك مجرد
رهاين
والحي في عينك بقايا بشر
حي
_________________
النفس طابت من غلاك وتغليك
والقلب عن شرواك غير محله
قلبنا جرحته كيف وشلون يغليك
هاك الجواب و مافات ياالنذل خله
ماقول ياعسى ربي اليوم يعميك
الا عساك تشوف حب بقلبك يذله
ماقول ياعسى ربي اليوم يبليك
الا عساك تعيش عيشة مذله
ماقول ياعسى ربي اليوم يشفيك
الاعساك تعجز العلم والطب كله
ماقول ياعسى ربي ياخذ لياليك
الاعساك تشوف بدنياك مليون عله
لعنبوك امك تجيبك وانا ابتلي فيك
الا ياعساك ما تشوف دربن تدله
النفس طابت ماتبي اليوم طاريك
هذا جوابي وما فات ياالنذل خله
_________________
ماعاد بيدي انفعل وازعل واعاندهم واثور
ماعادفيني اشتكي واسمع كلامك واقنعك
طيفك دفنته واعترف كلي معك قسوه وجور
دامي نثرتك في الهوى لايمكن ارجع واجمعك
_________________
تدري وش أخر ماكتبت البارحه؟كتبت دنيا رايحه!!
يعني ولاتسوى تعبها وهمها..من ضمها خاسر..
وحاسر من تركها في ضلوعه سارحه..
دنيا ينساك فيها من تحبه وتعشقه..
دنيا على كبر الأماني والوهم دايم تضيق وجارحه..
_________________
خسيتي لعنبو جدك خسيتي والغلط ينعاب..
خسيتي واقلبي وجهك ولا كلمه ولاإجابه
خسيتي والزمي حدك تراها ضاعت الآداب..
انا لاطاشت جنوني يعرف الجاهل ادابه
وش المغزا من الكلمه بلا داعي بلا اسباب..
وهرج الكذب والتجريح قوليلي وش اسبابه..
انا الشرهه علي اني فتحت لخافقي كم باب..
ولكن مثل ماجيتي ترا كبر الجمل بابه..
خذي نفسك معك برا ثم انقلعي بدون إياب..
فمان الله وإلا اقول فمان بليس واصحابه..
تحسبيني على فرقاك ابندم واغرق الأهداب..
انا مبسوط يوم اني طرت الشوم وغرابه..
انا ماعاشر الخاين ولا اسمع هرجة الكذاب..
ومثلك قيمته عندي تحت الزير وحسابه..
هذاك الي تحبينه حقير وخكري ولعاب..
عاجبك ان قذلته شقرا ويميل بالشعر كابه..
صحيح انه حقير وزين وشكله للنساء جذاب..
تشبه بخته فلانه ومنها الدم متشابه..
وانا مانيب حرف الجر تجرينه على الإعراب..
انا حرفن جزم نفسه ومثلي يصعب إعرابه..
تشوم النفس عن زينك عقب ماطاح فيها ذباب..
انا حرن ولد حر تركت الزين وذبابه..
وانا يابنت من ربعن لهم فوق الفخر محراب..
انا من برقا ياخبله وربعي الهيله عتابه..
انا شيخن ولد شيخ بذكره تنعم الأنساب..
اليا قام العرب كلن يراجع دفتر انسابه..
ولد شيخن وسط ربعه له بين الرجال حساب..
اليا ضاقت به الارياء يهز الأرض مشعابه..
محنكني على الطيبه من يومي صغير وشاب..
اجل وش رايك بطفلن دلال القهوه العابه..
ترى بدري على مثلك تعيب وساسها معياب..
ياليت الي يعيبني يحاول يستر ثيابه..
انا لاجتني الزله من الجاهل وهو كذاب..
تركت القافله تمشي وراها تنبح كلابه..
وانا ليامن كشف ان الخوي اصبح لسانه داب..
نزعت السم من عرقه وكسرت بمخلبي نابه..
خلاص اليوم ياساره كرهتك والقلوب غراب..
وترى كل طيرن بكبد السما يشبع بمخلابه..
خساره مثلك بقلبي تضمه غرفة الاحباب..
وخساره غلطة العاشق يحطك اول احبابه..
بعد هذا تبين ارجع لأجل عينك نصير اصحاب..
خسيتي واقلبي وجهك ولا كلمه ولا إجابه..
_________________
ماعاد له داعي تراسلني ولا أراسلك..مادام رحت وخاطرك طاب مني..ياصاحبي قلبي ترا اليوم ناسيك..خاب الرجا فيك وخيبت ظني..كنت أحسبك سيفي إذا ضقت أناديك..أثر البلا سيفي هو اللي طعني.!
_________________
يعني لو ماأسأل عليك تهدني...!!
ياخي إسأل حبيبك مات وإلا حي...!!
ماأجبرك تشتاق لي وتودني...!!
بس إرسل شوفني محتاج شي...!!
حتى العدو اللي سبق وضرني...!!
بين حزه وحزه يشيك علي...!!
_________________
أغريتني بالحب
ونظرات الاعجاب
ثم جيت لك طفل
من الحب ساري
وشلون أعيش الحلم
والبس له ثياب
وانت من الأخلاق
أصبحت عاري
واليوم أناببعد
ووضحت الأسباب
مايجتمع بالحب
بايع وشاري
_________________
لا تعتقد لامن زعلت وتغليت
يومين والثالث أجي لك مشتاق
لا والذي يرجع له الحي والميت
ماأنحني حتى ولو هالصدر ضاق
شيصير يعني عاد لامنك أخطيت
قبلك كثير اللي تحدوني بفراق
وعلمتهم معنى الفراق وتحديت
وذولاك شفهم محد من الندم فاق
صدقني أنت اللي بتخسرمن أغليت
والا أنا ياكثر ابألقى لي عشاق
ماراح أموت بسبتك لو تخليت
مهما تعبت وضقت من نار الأشواق
_________________
(خـــــــــــــــــــلاص)
ماعاد تعني لي ولا حاجه.!!
رح جعل ربي يوفقك ويوفقني.
عطيتك أكثر من اللي كنت محتاجه!!
أسرفت في حبك لين الحب وهقني.!!
لو أدري أنك مرافقني على حاجه!؟؟
لأعطيك حاجتك وأقول *فارقني*.
_________________
خلاص حبك داخل القلب منهار ...
خلاص يكفي ماحصل منك كافي...
مهما رجعت وجيت مانقبل اعذار...
رح في في طريقك ياحسين الوصافي...
حبك سراب وصرت خاين وغدار...
واثرك على درب الوفى منت وافي...
لجلك سهرت وهلت العين مدرار...
ولجلك وهبت القلب والحب صافي...
وهذي النهايه مامضى صار تذكار...
يكفي كفايه ماحصل منك كافي...
_________________
إرحل وليتك إليا من غبت تنساني...
مثلك إليا غاب عني
ماترجيته!
ماني على شوفتك بالحيل شفقاني...
بالصبر قلبي على الهجران عزيته!
ماظن لارحت عقب اليوم تلقاني...
حبك وماضيك من قلبي
تناسيته!
قلب سكنته سكن به واحد
ثاني...
خلن وفالي بطبعه يوم
حبيته!
اجرح واكابر ولكن
لاتحداني...
عليك صعب خضوعي
لو تمنيته!
لا تحسبني بجيلك يوم
تجفاني...
ذكراك ماتت بقلبي يوم
خليته!
لك يوم تحتاجني فيه
وتمناني...
لابد تندم على فعلن
تجنيته!
_________________
قلتلك ياقلب لاتامن قريب
ليش تحرقني معاك وتحترق
بها الزمن ينساك حتى اقرب قريب
والوفا في هالزمن حبر وورق
_________________
ألاياطفل لاتكبر..
كذا أجمل..
كذا أطهر..
كذا لاهم يتراكم..
كذا لاضغط لاسكر..
ترى أكبر كذبةعشناها
>>يالله متى نكبر<<
احلم قد ماتقدر،
وإذا خفت..
خب أحلامك بدفتر،
ترى الأيام سراقه،
والأحلام..تتبخر!!
_________________
لي ثلاث ايام وانا ضايع وسط الاماني
واحلم انا صرت احب وعايش عيشه هنيه
وقبل نومي لا بغيت اكلمه لو هي ثواني
وخايف نومي يجيني ويرمي نعاسه عليه
كل ما دقيت لنه منشغل في خط ثاني
يضيق صدري يا جماعه وتدمع العين الشقيه
_________________
توكل ياسبب كل الجروح وياشقى عيني
توكل دامها طيبة عليك النفس والنيات
وأبي تعرف ترى لا أنت ولا غيرك يبكيني
ماغير أمي و أبوي اللي غلاهم ساكن بالذات
أنا الغلطان في حبك حسبتك ماتخليني
وأنا اللي كنت متوقع تجيني تكسر الضيقات
خلاص أبعد و أنا أببعد وماجاني يكفيني
وروح ودور على غيري وأنا بنسى زمان فات
أنا ماعدت مثل أول على كيفك تمشيني
تغير كل شي والله وصرت بعيني العثرات
وفيت وما خبر إني جرحتك يا مشقيني
وكذا مره من ايدينك بلعت الضيقه والصدمات
تقط الكلمه وتسكت على أبو إنك تسليني
وأطوفلك ولا ينفع معاك الطيب والدمعات
بعدت وقلت يمكنك على غيابي تحاكيني
وأشوفك رحت ما تسأل يا(......) وينها الغيبات
عطيتك دنية أفراحي ولا حسبت لسنيني
ولا بين بعينك ليه أشوفك صرتلي آهات
رسمتك فرحة أيامي لقيتك هم يطويني
حسبتك ماتزل بشي لقيتك ممتلي زلات
حسبتك لي على الدنيا إليا شانت تخاويني
وإذا حجت حجايجها تجيني بطيبتك هامات
وأجيلك ناقل دمعي ودمعي حاير بعيني
وأقول إنت ولاغيرك حبيبي تمسح الدمعات
وجيتك وجيتك وجيتك لعنبوا دار السنين اللي قصدت فيني
وطلعت من الردى تزرع على دربي شقى ونات
تشوف الكون وش كبره ترى ماعاد يعنيني
إذا حطيتك براسي أجيبك لو تروح أشتات
_________________
الواقع الموحش نفاني بنصيبه
وأنتي تغيرتي وصرتي تخونين
لكن ورب البيت ماهي غريبه
أموت من جرحي ولا قول تكفين
_________________
الحب في عيني غدا ماله ارسوم "ماعادلي نفس مع الحب تنساق "شلفايده لا صرت عاشق ومحروم"اول غرامي حلم والتالي افراق"عزالله اني صرت ماني بملزوم "ولاعاد تغريني سواليف عشاق...!
_________________
¤ تبي الصراحه ماعرفنا نواياك__§ مره تشد الحبل ومرات ترخيه__! لك مدتن وانت تكرر خطاياك___§ ماني بجاهل تزعله ثم ترضيه___! ان كنت ناوي بالهجر مامنعناك___§ قبلك فقدنا من نعزه ونغليه____!
_________________
وفر كلامك وعطني عرض _الأكتاف! قلبي كره جذبك وهرجك ولاهوبمجبور! ترى القلوب بطبعهاشي شفاف! الكسرفيهاصعب تلقى له جبور! ولاتحسب إني من الهجر بخاف! ياشيخ خذ حبك وقلبك ومشكور!!
_________________
تعيرني بفقري والفقر ماعيب الرجال
أنا وش ذنبي إن جار الزمن والوقت عياني
أنا من صغر سني عشت يانزال يارحال
أبوي مربي أخواني وأنا اللي الوقت رباني
تقول أمي: قبل تولد توفي لي ثلاث عيال
لأبو حظ تكاثر فيني أصبح رابع أخواني_
_________________
ابعرف يابحرذنبي وش اللي بس سويته !انالاعمري جرحت انسان ولاعمري بكيته ابسكت يابحروامشي واخلي ضيقتي فيني ابسكت وبتعد عنك وادور من يواسيني تصدق يابحراني توقعتك تشيل الهم ولكني انصدمت انك غرقت بدمعه من عيني
_________________
وقف ؟؟
وقلي من قتل فيك الاشواق
خلاك تنسى حب حطم كياني
تبقى عزيزوجرحك اللي بالاعماق
ذكرى عزيزه من حبيب كواني
اشتاقلك وقت مضى وارجع اشتاق
واقول معقوله حبيبي
نساني!!
_________________
خطاي اني سألت وجيت أدورللغايب أسباب
خطاي اني تعلمت الوفا والناس كذابه
حسايف يازمن ماعاد باقي في الزمان أحباب
على حساب المصالح كل واحد يحسب حسابه
_________________
من المؤلم:
أن تحب بصدق
وتخلص بصدق
ثم:
تصدم بنهاية تخذل
كل ماقدمته!
ومن العذاب:
ان تنتظر من لايأتي
إليك
وأن تحب من لايشعر
بك
وأن تحتاج من لايحتاج
إليك
ثم:
تكتشف أن أجمل
العمر كان سراب . . . !
_________________
[[مع السلامه]] خلاص بمشي
وخليك""
قلبي نوى يبدل غلاك بواحدآ
ثاني""
[[مع السلامه]] لاتقول له وش
فيك""
مادام هجرك لنا صار شي
عادي""
[[مع السلامه]] دور على واحد
يسليك""
شف غيري ولاتقول راح
ونساني""
_________________
لعنبو قصة غرام كل أبوها
كلمتين
ابتدينا عند أحبك وانتهينا عند
باي
تونا مابعد مشينا فالهوى لو
خطوتين
وانتهى الموضوع كله حتى ماأعرف
ويش خطاي
انتهى الموضوع هيك بكل سهوله
تحكمين
وين أحبك ? وين اريدك _ وين
ساكن في حشاي ??
يمكن أنك ماوفيتي يوم جيتي
تعشقين
ويمكن أنك تحسبيني بتبعك من
دون راي
ويمكن أصلا ماعشقتي بس كنتي
تلعبين
ويمكن أنك ماوصلتي في هواك
لمستواي
ويمكن أني ماعرفتك فالحقيقه
ويش تبين
ويمكن أني خنت نفسي .. يوم أعطيتك وفاي
علميني فالهوى ياجاهله ويش
تعرفين
تعرفين أنك غديتي شي يجري
في دماي
علميني فالعطاء والتضحيه
ويش تفهمين
لعنبووو حيك عشانك سبت أقرب
أقرباي
كنت أحطك في عيوني تسرحين
وتمرحين
كنت اشيل هموم قلبك وأرمي
همومي وراي
كنت اطير من السعاده يوم
أشوفك تضحكين
كنت ذايب في هواك مثل سكر
وسط ماي
كنت نايم فالعسل وارسم من
الفرحه سنين
كنت اظنك قلب عاشق ماسكن
وسطه سواي
ماوعيت الا وانتي في خفوقي
تطعنين
ماوعيت الا وسيفك بالحشا....رايح
وجاي
ورده أي والله ورده بس عرفتي
تجرحين
كل شي فيني جريح الا فخامة
كبرياي
ماتأثرت بغيابك ويش يعني
دمعتين ??
بكره انسى صدقيني وارجع
بكامل - قواي
ادري ان احنا افترقنا بس ابفهم
حاجتين
علميني وش كسبتي ?? وعلميني
وش خطاي
اصلا الموضوع كله ماتعدى
كلمتين
التقينا عند ( أحبك ) ,, وافترقنا
عند ( باي )
_________________
قصدك إني اتنازل لك وأجيك
وانحني من عقب ما قلت الوادع
مثل ما إنت ماتبيني ما أبيك
المحبة مابها غش وخداع
روح دور لك على غيري شريك
وارتحل بالهم في دنيا الضياع
_________________
"أمانـــــــــــــــة"
لاتجي منك مواقف تجرح الأحساس أنا من لي غيرك أشكي له إذا صار الزمن قاسي.
"وأمانــــــــــــــــة"
لاتجاملني إذانفسك تبي فرقاي أنا مابي يجي لك يوم تكون لعزتي جارح..
_________________
مابين بعينك على كثر ماجاك
لا واحسافه ليتني ماعطيتك
تخطي وأعذرك وأتحمل خطاياك
هويت غلطاتك كثر ماهويتك
ضحيت فالدنيا على شان دنياك
وخليت كل اللي يبيني وجيتك
وكنت بعيوني وين ماطالع ألقاك
حتى ولو غمضت عيني لقيتك
من كثر ماأحبك وأقدرك وأهواك
ماأذكر أني في حياتي عصيتك
ولا فاد كل اللي أسويه وياك
أتعبت قلبي ليتك تحس ليتك
والحين روح أرجوك ساعدني أنساك
ولاتجي حتى لو أني بغيتك
وأن مر في بالي بقايا لذكراك
بحاول أنساها مثل مانسيتك
_________________
ياماجرحني ألحب جرح تجدد.ويامابقلبي شلت ناس نسوني.عاملتهم بالصدق ماصدقوني.قربت منهم بس كلن تصدد.ساندتهم بالحيل بس أخذلوني.كانوحياتي وحلمي اللي تبدد.
_________________
ياقلبي لاعاد تسألني عن أخباره حبيبك العام طاح اليوم مقداره
أقسمت بلي خلقني مقبل اعذاره
من خان مره يكررها بكم مره
ياقلبي خله على ماتشتهي روحه
يكفيني إن الحنايا منه مجروحه
من بعدماكنت اشيد عالي صروحه
هديت قصرالغلا طوبه ورا طوبه
يلقى بدالي وأنا ألقى بعد غيره
كلن في هالكون يمشي حسب تقديره وياقلبي تكفى طلبتك اقطعها سيره ايامي اللي مضت ماهي بمحسوبه
مدامه اقفا كذا برضاه وبكيفه
ليه احرق ايام عمري في رجاء طيفه والشرهه اللي ظمت عاطر سواليفه خبري بها في مهب الياس مصلوبه والله إني ماهقيت الهجر من طبعه
وانا الذي من شان حبه مغلين ربعه من بعد ماسقيته الحنان من نبعه اسقاني الهجر في ((كيسان مقلوبه)).
_________________
أخطيت يوم أني طلبتك حنانك لاصرت فاقد شي وشلون تعطيةمهمانطق لي بالمشاعرلسانك شي بدون إحساس ماأقتنع فيه إحساسك المصنوع خنتةوخانك جاملتني به وأنت تجهل معانيةمني نصيحةتنفعك في زمانك إلاشعورك لاتبيعةوتشريه
_________________
نعم تقدرتفارقني وتنساني وتلقى لك بهالدنيا احد ثاني ،
لكن مثلي ماتلقى وإذا تقدر معاي هالحين ،
يجيلك يوم ماتقدر
نعم تقدرتقول إني مجرد حلم وقصه انتهت في يوم ،
نعم تقدر تمشي في العناد اكثر،
ومهما طالت الأيام مصيرك يوم ترجعلي<
انا وياك وأتحداك!
والأيام مابينك وبيني
كل صبر صبرته يوم (كل لحظه قضيناها)! ابتندم مهماطال الوقت
[[ وترى بعض الغلا يقضي على ضيقة البال ،
وبعض الغلا يقضي عليه ((التغلي))].
_________________
كانك تسلى بي كفايه تسليت
خلاص مافيني لمثلك تسالي
أكبر خطاي اني من القلب حبيت
ووفيت للي بالهوى ماوفالي
الحب ماهو بس خذني وانا جيت
الحب وقفه بين غالي وغالي
كانك تجاملني بقولتك حبيت
تقدر تبدلني وتلقى بدالي
_________________
(نصيحة)
من قلبي> حط اللي يعزك بعيونك ترى ماتلقى من يضمك لو ضاق صدرك وزادت همومك.
وعلى فكره النار بالماء تنطفي
والغلا بالإهمال ينتهي
عباره حطها فبالك.
_________________
أقضي أيامي غريق بوحدتي
مركبي ذكرى وأحلامي شراع
في بحرشوقي بواصل رحلتي
لين اواجه من ترك قلبي ولاع
وأن كتب ربي في بحره موتتي
لي رجاء لاتدفنوني وسط قاع
لكن إرمو عند بابه جثتي واكتبوا
مشتاق حاول مااستطاع
تحياااااااتي .....
....
..
