تدريـ وشـ الليـ يجرحـ القلبـ جرحينـ!!!

قصيدة رائعة وتبكي , حال اليتيم لا يعلم به إلا الله ..., أحببت نقلها لكم

اترككم مع عبرات حزينة في حنايا القصيدة

تدري وش اللي يجرح القلب جرحين
..................ويمد حبـل الحـزن فيـك ويشـده

انك تناظر طفل مـن غيـر ابويـن
.................يمشي ودمعـه سايـل فـوق خـده

منظر صعيب ويقسم القلـب قسميـن
................لا قـام يمسـح دمعـته بكـف يـده

يمشي ولا يدري طريقه علـى ويـن
...............لين التعب من كثـر مـا تـاه هـده

اثقل حـروف يشيلهـا فيـه حرفيـن
...............لا أب يـدري بـه ولا أم تـــرده

في خطوته رحلـه ودمعـه وسكيـن
................وحـظ توسـد بالمراسـي مـخـده

جيت اسألـه بالله قل لـي ولـد ميـن
...............وبغى يجاوب واختنـق صـوت رده

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـده

وطعم الطفوله ما عرفته لهـا لحيـن
.............وثوب السعادة صـرت مانيـب قـده

ابكي إلى من شفت غيـري سعيديـن
................ليـن البكـا فينـي يوصـل لحـده

وأقفي ورحت امسح دموعي من العين
...............وعيني تناظـر دمعتـه فـوق خـده

وهذا اللي يجـرح القلـب جرحيـن
..............ويمد حبل الحـزن غصـب ويشـده

منقووووول