موقف لعريس يوم زواجهـ

لا إله إلا الله

وصلى الله على نبينا محمد وعلى آله وصحبه وسلم تسليما كثيرا





السلام عليكم ورحمة الله وبركاته

هــــذا واحـــــد تــــــوه مــعرس وخلصت الزفة والامور اللي بالقصر .....

أخونا في الله شغل[أخذ حرمته] وركبوا السيارة..ودعس للقصيم


يعني أهل العروسة في الرياض وهو ساكن في القصيم.

والبنية تستحي ومقررررطة طوول الطريق ...والرجال ماغير يسولف ويهذر والبنية

ساكتة...ما حولك أحد

الرجال يأس من البنت إنها تكلم ..وقال ياولد ماوراها هذره أشغل المسجل وأمسسك

الخط....

في الوقت نفسه البنت كانت حسراانه ومتوهقه إنها بس تتكلم عشان تقوله

أبي الحماااام الله يكرمكم

عاد هي طمررت على المرتبة اللي ورا عشان تنسدح ويخف عليها الوجع

إلين يوصلون لمحطة

المهم الرجال ماوعى إلا وهاذيك محطة ويصفط عندها

وينزل للبقالة ياخذ له كم كيسة فصفص وكم علبة بيبسي للطريق

هو كان وده ياخذ له شريط يسليه بالطريق بسس خبركم

مايصلح يشغل شريط، والافضل يخليها سواليف

البنت على نزلت زوجها إلا وتقز هاذيك الحمامات حقات الحريم

اللي عند المسجد اللي جنب البقالة

قالت لنفسها يابنت يمديني اطمر وأخلص وارجع قبل لايرجع هو من البقالة

المهم المسكينه راحت وأخذت وقتها

أخينا في هالوقت قد رجع للسيارة وعلى باله مررته في المرتبة اللي ورا

وخبركم عباية سودا وأخر الليل ماانتبه إنه مهيب فيه السيارة وهو شغل

ودعسسس

البنية المسكينة طلعت وهي مرتااااااحة

وتناظر يابنت وين السيارة .......وتتلفت ماتشوف غير الهنود حقين المحطة

وأبو يمن حق البقالة

عاااااد تخيلوا الصدمة يوم عررفت إن زوجها دق سلف ومشى. ..جالسه تتأمل

المسكينة في نفسها يمكن راح منا ولامنا وبيرجع

شوي ماوعت إلا ذاك الجمس المقبل يوم وقفوا عند البقاله اللي جنبها

وتقز الحريم اللي في الجمس .....قالت زيييين عائلة وتروح وترمي نفسها على

الحرمة اللي قدام

وهي أم العائلة وتقولها خالتي أنا داخلة على الله ثم عليك..وهذي قصتي

والعجوز تمسك راسها وتقول لها..يابنيتي أنتي تعرفين سيارة زوجك

ويعبون بانزين ويدعسون وراااااه

نعود الآن لصاحب الفصفص

أخونا في الله مريح وماشي...بعد مالقوه على بعد نص ساعة

عاد تخيل عزيزي القارئ إنك على طريق القصيم في آخر الليل وفجأة وراك

جمس يكبس بالنوربشكل مخيف يبيك توقف وش ردت فعلك

أكييد الرجال دعس قال ذولا مهابيل بيضربوني ومعي عروستي

........ويافشيلة إذا انطقينا................

والجمس وراه داعس يحاول إنه يوقفه المهم الذهين اللي يسوق الجمس عرف وش

يسوي ...فقام يولع نور الجمس اللي داخل عشان يشوف إنها عايلة

وأخيراااااااً ..إنتبه ووقف يبي يشوف وش عنده

ونزل معصصصصصصصصصصب. .....

عاد من اللي متوهق في هاالموقف....راعي الجمس

يقول في نفسه شلون أقوله إن مرته معنا

يبي يجبها بااسلووووب تدريجي عشان ماينصدم ..خبركم في مثل هالمواقف

شبيقولون أهل العروسة

أخذت بنتنا وضيعتها ..والللللله إن تلزق فيك السالفة طول عمرك

والعالم يتشمتون وماعندهم سالفة غيرك

المهم راعي الجمس سلم وقال يااخوي ماكاأنك مضيع لك شي ......

قاله المعرس لاوالله ماضيعت شي

قال متأكد

قال المعرس...شلون

قال راعي الجمس رح طل في سيارتك شف فيه شي ناقص لك

العريس قام يوسوس حتى المشكلة مرته ماجت على باله

المهم راح ودخل سيارته وقال يامره فيه شي طاح مننا وحنا في المحطة

محد رد عليه

ويوم لون وجهه بدا يميل للكرت الأحمر ....وييييين راحت المره



ورجع لراعي الجمس وقال هات السالفة

قال ياولد مرتك لقيناها في المحطة أنا وأهلي وقالت لنا إنها نزلت

للحمام وأنت مشيت ولا دريت عنها

عااد العريس كل أنواع النفضات نزلت عليه تلعثم ولاقدر يتكلم



المهم راعي الجمس راح وقال للعروسة يلاطسي عند زوجك


شوفيه متصومع عليك

المهم العروسة اركبت مع زوجها السيارة وانطلق لسانها اللي كان مربوط

وقامت تهدر عليه...

وتقول أنا كنت مستحيه أقولك إني أبي الحمام..وأنت مشاء الله عليك

ركبت السيارة وانطلقت .........

ههههههههههههههه<===ياشين التميلح..توها تتميلح..عاد إنقلب الوضع
صار العريس هو اللي مبرطم طول الطريق

والعروسة هي اللي تبربر

:
:
:
:
:
:
أنـــثــــى مشــاغبهـ....